Jaamacadda Jig-jiga oo Kaalin Fiican Ka Gashay Jaamacadaha Itoobiya.

Jig-jiga—FMN—Jaamacadda Jig-jiga ee Ku taala xarunta Dawladda Deegaanka Soomaalida Itoobiya ee Magaalada jig-jiga ayaa sanadkan kaalinta 3aad ee dhanka waxqabad-wanaagga ku guuleysatay kadib qiimayn lagu sameeyay Guud ahaan Jaamacadaha iyo Macaahidda waxbarashada jiilka labaad ee Dalka Itoobiya Ka jira.

Shirweynihii 27 aad ee loo qabtay Waaxaha Waxbarashada Qaranka oo sanadkan ka dhacay magaalada Assosa ee Deegaanka Benishangul-gumuz ayaa shahaado sharaf ka tarjumaysa waxqabadka wanaagsan ee ay Jaamacadda Jig-jiga Muujisay sanad dugsiyeedka 2016/17 lagu guddoonsiiyay madaxdii ka socotay Jaamacadda.

Jaamacadda jig-jiga ayaa tan iyo markii la aas-aasay sanadkii 2007 dii wax weyn kusoo kordhisay geedi-socodka waxbarasho ee Deegaanka Soomaalida Itoobiya,iyada oo dabooshay baahi badan oo dadka deegaanku ay uqabeen dhanka waxbarashada ah oo horaan ay meelo dhaadheer ay u aadi jireen.waxaana haatan wax barata ku dhawaad 25kun oo arday oo culuumta noocyadeeda kala duduwan ka dhigata.

Leave a Reply